Qo'llab-quvvatlash
. UZS
. UZS
Dublin, 2025-yil 9-dekabr
Centrum Air AerCap Holdings N.V. — aviatsiya lizingi bo‘yicha jahon yetakchisi bilan ikki dona yangi Airbus A321neo samolyoti uchun lizing shartnomalarini imzolaganini e’lon qildi. Havo kemalarining 2027-yil to‘rtinchi choragida yetkazib berilishi rejalashtirilgan.
«My Freighter’ni AerCap’ning O‘zbekistondagi birinchi mijozi sifatida qutlashdan va mahalliy aviatsiya sohasining rivojlanishi, shuningdek, Toshkentning Sharq va G‘arbni bog‘lovchi muhim hab sifatida shakllanishini qo‘llab-quvvatlashdan mamnunmiz, – dedi AerCap tijorat direktori Piter Anderson. – Yuqori yoqilg‘i tejamkorligi ва oshirilgan parvoz masofasi tufayli Airbus A321neo My Freighter va uning yo‘lovchi bo‘linmasi hisoblangan Centrum Air’ning yangi bozorlarga chiqishida rivojlanish drayveri bo‘ladi. My Freighter jamoasiga muvaffaqiyatlar tilaymiz hamda uzoq muddatli va samarali hamkorlikka umid qilamiz».
«Rivojlanish yo‘limizdagi navbatdagi qadamni AerCap bilan birga qo‘yayotganimizdan mamnunmiz, – dedi Centrum Holding boshqaruv raisi va CEOsi Abdulaziz Abdurahmonov. – Airbus A321neo’ning parkimizda paydo bo‘lishi operatsion imkoniyatlarimizni mustahkamlab, xalqaro yo‘nalishlar tarmog‘ini kengaytirish, jumladan, Yevropa reyslarini yo‘lga qo‘yishni qo‘llab-quvvatlaydi. A321neo’ning kuchaytirilgan samaradorligi va oshirilgan parvoz masofasi yo‘lovchilarimizga ko‘proq qulaylik va yangi yo‘nalishlar taklif qilish imkonini beradi, shu bilan birga, O‘zbekistonning dunyodagi muhim bozorlarga aloqadorligini kuchaytiradi».
«Yangi avlod samolyotlariga sarmoya kiritish O‘zbekiston aviatsiya sanoati kelajagiga sarmoya deb hisoblaymiz. A321neo nafaqat xalqaro kengayishimizni qo‘llab-quvvatlaydi, balki Toshkentning Osiyo va Yevropadagi asosiy iqtisodiyotlarni bog‘laydigan tez rivojlanayotgan markaz sifatidagi mavqeini ham mustahkamlaydi. Ushbu kelishuv butun dunyo bo‘ylab yo‘lovchilar va hamkorlar O‘zbekistonni global sayohatlar uchun ishonchli va zamonaviy darvoza sifatida ko‘rishini ta’minlash bo‘yicha uzoq muddatli maqsadimiz sari qo‘yilgan yana bir qadamdir», – deya izoh berdi Centrum Holding aksiyadori Hafizjon Gafurov.
AerCap kompaniyasi haqida
AerCap – aviatsiya lizingi sohasida jahon yetakchisi bo‘lib, sanoatdagi eng jozibador buyurtmalar portfellaridan biriga ega. Kompaniya dunyoning turli mamlakatlaridagi taxminan 300 ta mijozga xizmat ko‘rsatib, havo kemalari parkini shakllantirish bo‘yicha kompleks yechimlar taklif etadi. AerCap Nyu-York fond birjasida (AER) kotirovka qilinadi, bosh ofisi Dublin shahrida joylashgan, Shennon, Memfis, Mayami, Singapur, London, Dubay, Shanxay, Amsterdam va boshqa shaharlarda ham vakolatxonalari mavjud.
Yo‘lovchilar qulayligi va xavfsizligi uchun Centrum Air reyslarida samolyot saloniga qo‘l yukini olib kirish bo‘yicha yagona me’yorlar amal qiladi.Har bir yo‘lovchi vazni 8 kg gacha bo‘lgan bir dona qo‘l yukini bortga bepul olishi mumkin.Umumiy o‘lchamlar 115 sm dan oshmasligi kerak, tavsiya etilgan o‘lcham – 55 × 35 × 25 sm. Hisob-kitobga barcha elementlar: cho‘ntaklar, tutqichlar va g‘ildiraklar kiritiladi.Ro‘yxatdan o‘tish vaqtida qo‘l yukiga maxsus birka yopishtiriladi.Aeroportda qo‘l yuki kalibrator yordamida tekshirilishi mumkin: sumka uning ichiga erkin sig‘ishi lozim. Samolyotga chiqish vaqtida ham takroriy tekshiruv amalga oshirilishi mumkin.Salonda qo‘l yuki oldindagi o‘rindiq ostiga yoki yuk tokchasiga joylashtiriladi. Standart qo‘l yuki o‘rniga ixcham buklanadigan bolalar aravachasini (trost-kolyaska) tashishga ruxsat beriladi.Belgilangan me’yordan tashqari, yo‘lovchilar qo‘shimcha ravishda quyidagilarni o‘zlari bilan olishlari mumkin:kichikroq ryukzak, ayollar sumkasi yoki noutbuk sumkasi (30 × 40 × 10 sm gacha),yopinchiq,mutolaa uchun materiallar,bolalar taomi,soyabon yoki hassa,Duty Free do‘koni xaridlari solingan bitta paket.Ushbu buyumlar asosiy qo‘l yukini o‘lchashda hisobga olinmaydi.Qo‘l yuki belgilangan miqdor, vazn yoki o‘lcham me’yorlaridan oshsa, uni ro‘yxatdan o‘tish peshaxonasida ro‘yxatdan o‘tkaziladigan bagaj sifatida rasmiylashtirish lozim. Bunday holda tariflarga muvofiq qo‘shimcha to‘lov talab qilinishi mumkin.Qo‘l yuki o‘lchamlari va vazniga rioya qilish — barcha yo‘lovchilarning qulayligi hamda reyslarni o‘z vaqtida amalga oshirishning muhim shartidir.Bagaj va qo‘l yukini tashish me’yorlari haqida batafsil ma’lumotlar elektron marshrut kvitansiyangiz, shuningdek, Centrum Air rasmiy saytida mavjud.
16 Fevral, 2026
Centrum Air aviakompaniyasi ichki reyslar uchun ro‘yxatdan o‘tishni yopish va bortga chiqishni yakunlash vaqtlarini o‘zgartirdi.Ro‘yxatdan o‘tish parvozga 45 daqiqa qolganida yopiladi;Samolyotga chiqish parvozga 25 daqiqa qolganida yakunlanadi.O‘zgarishlar reyslar punktualligini oshirish va jadvalning o‘z vaqtida bajarilishini ta’minlashga qaratilgan. Yangi qoidalar mahalliy yo‘nalishlarga, jumladan, Urganch (Xiva), Nukus, Buxoro va Termiz shaharlariga amalga oshiriladigan parvozlarga taalluqlidir. Yo‘lovchilarga barcha parvozoldi jarayonlaridan xotirjam o‘tishlari uchun aeroportga vaqtliroq kelish tavsiya etiladi.Centrum Air o‘z yo‘lovchilari uchun parvozlar jadvali barqarorligi, qulaylik va yuqori darajadagi xizmatni ta’minlash maqsadida operatsion jarayonlarni takomillashtirishda davom etadi.
26 Yanvar, 2026
O‘zbekiston Respublikasi Prezidenti Shavkat Mirziyoyev yaqinda Pokistonga amalga oshirgan tashrifi doirasidagi nutqida ikki mamlakat o‘rtasida to‘g‘ridan-to‘g‘ri aviaqatnovlarni kengaytirish masalasini alohida ta’kidlab, joriy yil aprel oyidan boshlab Centrum Air Lahor yo‘nalishi bo‘yicha muntazam yo‘lovchi reyslarini yo‘lga qo‘yishini, My Freighter esa Karachiga yuk tashuvlarini ochishini qayd etdi.Yangi yo‘nalishlar ishbilarmonlik, turizm va logistika aloqalarini mustahkamlash, shuningdek, O‘zbekiston va Pokiston o‘rtasidagi savdo-iqtisodiy hamkorlikni rivojlantirishga qaratilgan.«Centrum Air va My Freighter loyihalari davlatlararo kun tartibining bir qismiga aylanayotgani hamda mintaqaning transport bog‘liqligini rivojlantirishga hissa qo‘shayotgani biz uchun katta sharaf. O‘zbekiston va Pokiston o‘rtasidagi o‘zaro manfaatli aloqalarni mustahkamlash jarayonining bir qismi bo‘layotganimizdan chin dildan xursandmiz. Yangi yo‘nalishlarning ochilishi bu shunchaki parvozlar geografiyasini kengaytirish emas, balki biznes, turizm va hududlarimizning qo‘shma rivojlanishini qo‘llab-quvvatlaydigan barqaror “havo ko‘prigi”ni shakllantirish hamdir», – dedi Centrum Holding asoschisi va bosh direktori Abdulaziz Abdurahmanov.
9 Fevral, 2026
© 2026. ООО "My Freighter",
Centrum Air™ — Barcha huquqlar himoyalangan
