HammasiKompaniya haqidaYo'nalishMuhimBoshqaHamkorlarAksiyalar

Yangiliklar

Centrum Holding ta’sischisi Abdulaziz Abdurahmanov «Do‘stlik» ordeni bilan taqdirlandi

19 Avgust, 2026Muhim

Centrum Air iste’dodlarni qo‘llab-quvvatlaydi: farg‘onalik Harvard talabasi uchun aviachiptalar

Centrum Air aviakompaniyasi O‘zbekistonning iqtidorli yoshlarini qo‘llab-quvvatlaydi. Kompaniya nufuzli Harvard universitetining biologiya fakultetiga o‘qishga kirgan farg‘onalik Dilafruz Sobirovani butun o‘qish davri davomida yiliga ikki marta aviachiptalar bilan ta’minlaydi.Dilafruz — Farg‘ona Prezident maktabi bitiruvchisi. U dunyoning eng nufuzli universitetlaridan biriga o‘qishga kirish uchun IELTS va SAT xalqaro imtihonlarini muvaffaqiyatli topshirdi, A Level dasturini tamomladi, motivatsion esse yozdi va tanlov suhbatidan o‘tdi.Iqtidorli yoshlarni qo‘llab-quvvatlash Centrum Air uchun shunchaki korporativ mas’uliyat emas, balki mamlakatimiz kelajagiga kiritilgan sarmoyadir. Biz ta’lim va iste’dodlarni rivojlantirish jamiyat taraqqiyotining muhim omillaridan biri ekaniga ishonamiz.Dilafruzning muvaffaqiyati qat’iyat, mehnat va bilim dunyoning eng yaxshi universitetlari eshiklarini ochishi mumkinligining yorqin namunasidir. Bunday talabalarni qo‘llab-quvvatlashni sharaf deb bilamiz, chunki ular — kelajak yetakchilari, olim va innovatorlari.Centrum Air dunyoning yetakchi universitetlarida tahsil olayotgan iqtidorli talabalarni qo‘llab-quvvatlashda davom etadi. Har bir iste’dod o‘z salohiyatini ro‘yobga chiqarish imkoniyatiga loyiq.

17 Avgust, 2026Kompaniya haqida

Centrum Air uchta yangi yo‘nalishni ochadi: Yekaterinburg, Ufa va Perm

Centrum Air aviakompaniyasi o‘z yo‘nalishlar tarmog‘ini kengaytirmoqda va uchta yangi yo‘nalish — Yekaterinburg, Perm va Ufaga muntazam yo‘lovchi reyslari yo‘lga qo‘yilishini e’lon qiladi. Ushbu yo‘nalishlar O‘zbekistondan yo‘lovchilarga Ural va Volgabo‘yining sanoat hamda madaniy markazlariga tez va qulay yetib borish imkonini beradi.Toshkent–Yekaterinburg yo‘nalishidagi reyslar 2026-yil 4-sentyabrdan boshlanadi va haftasiga bir marta — juma kunlari amalga oshiriladi. Bir tomonga aviachiptalar narxi 1,8 mln so‘mdan boshlanadi.Yekaterinburg — Rossiyaning aholisi soni bo‘yicha to‘rtinchi yirik shahri, Uralning sanoat, biznes va madaniyat markazi. Shahar boy madaniy merosi bilan sayyohlarni o‘ziga jalb qiladi: bu yerda mashhur Ermitaj muzeyi filiali, qiziqarli muzeylar, jahon darajasidagi teatrlar mavjud, shuningdek, muntazam ravishda yirik festival va ko‘rgazmalar o‘tkaziladi.Ufaga reyslar 2026-yil 3-sentyabrdan boshlanadi va haftasiga ikki marta — payshanba va yakshanba kunlari amalga oshiriladi. Toshkent–Ufa yo‘nalishidagi aviachiptalar 2,3 mln so‘mdan sotuvga chiqarilgan.Ufa — Boshqirdiston Respublikasi poytaxti va Volgabo‘yining yirik madaniy markazlaridan biri. Go‘zal Belaya daryosi bo‘yida joylashgan shahar boy tarixi va ko‘p millatli muhiti bilan sayohatchilarni o‘ziga jalb qiladi. Shahar an’anaviy boshqird madaniyatini asrab-avaylash markazi bo‘lib, butun Rossiyada e’tirof etilgan o‘ziga xos boshqird milliy taomlari bilan ham mashhur.Centrum Air, shuningdek, Toshkent–Perm yo‘nalishi ochilishini e’lon qiladi. Reyslar 7-sentyabrdan boshlanib, haftasiga bir marta — dushanba kunlari amalga oshiriladi. Bir tomonga aviachiptalar narxi 2,7 mln so‘mdan boshlanadi.Perm — Kama daryosining go‘zal sohillarida joylashgan Uralning yirik madaniy markazi. Shahar jo‘shqin madaniy hayoti va ijodiy muhiti bilan sayohatchilarni o‘ziga jalb qiladi. Shaharning tarixi, boy madaniy merosi va me’moriy yodgorliklari tarix va madaniyat ixlosmandlarida katta qiziqish uyg‘otadi.Barcha yangi yo‘nalishlardagi reyslar yuqori darajadagi qulaylik va xavfsizlik standartlarini ta’minlaydigan zamonaviy va ishonchli Airbus A320 samolyotlarida amalga oshiriladi. Muntazam parvozlar jadvali yo‘lovchilarga xizmat safari yoki sayohat maqsadlaridan kelib chiqib safarlarini qulay rejalashtirish imkonini beradi.Yekaterinburg, Perm va Ufaga reyslarning yo‘lga qo‘yilishi Centrum Air’ning O‘zbekiston va Rossiya o‘rtasidagi aviaqatnovlarni yanada rivojlantirish strategiyasining bir qismidir. Yangi yo‘nalishlar ishbilarmon yo‘lovchilar, sayyohlar va boshqa safar qiluvchilar uchun qo‘shimcha imkoniyatlar yaratib, savdo-sotiq, madaniy almashinuv hamda hududlararo aloqalarning rivojlanishiga xizmat qiladi.Yo‘lovchilar barcha yangi yo‘nalishlar uchun aviachiptalarni Centrum Air rasmiy sayti yoki mobil ilovasi (App store va Google Play’da mavjud) orqali xarid qilishlari mumkin.

14 Avgust, 2026Yo'nalish

Centrum Air va GRANDPHARM qo‘shma tanlovni boshladi

Centrum Air aviakompaniyasi O‘zbekistondagi eng yirik dorixonalar tarmog‘i hisoblangan GRANDPHARM bilan hamkorlik boshlanganini e’lon qiladi. «Sog‘lom sayohat — zo‘r!» qo‘shma tanlovi 2026-yil 15-sentyabrgacha davom etadi.Tanlov shartlari:Ishtirokchilar tanlov Telegram-boti orqali oddiy topshiriqlarni bajarib, o‘yin ballarini to‘plashlari mumkin. Har bir harakat uchun — ijtimoiy tarmoqlarga obuna bo‘lishdan tortib, haftalik viktorinalarda qatnashishgacha — ishtirokchilarga 1 dan 10 ballgacha beriladi.Nimalarni yutib olish mumkin:Zamonaviy sayohat chamadonlariSalomatlik uchun zarur vositalar jamlangan sayohat aptechkalariBosh sovrin: Centrum Airʼning istalgan muntazam yo‘nalishi bo‘yicha 2 kishilik aviachiptalar uchun sertifikatSovrinlarni o‘ynash jadvali:15 va 29-avgust — chamadonlar va aptechkalar uchun oraliq o‘yinlar15-sentyabr — aviachiptalar o‘ynaladigan grand-finalTanlovda ishtirok eting va sovrinlarni yutib oling!Tanlov tafsilotlari va qoidalari bilan havola orqali tanishishingiz mumkin.

11 Avgust, 2026Hamkorlar

Bepul bagaj tashish me’yori

Bepul bagaj me’yori tarif sinfi va yo‘nalishga bog‘liq. Yo‘lovchilarga odatda quyidagilarni tashishga ruxsat beriladi:Ro‘yxatdan o‘tgan bagaj (bagaj bo‘limiga):Belgilangan miqdordagi ro‘yxatdan o‘tgan sumkalar (masalan, 1 yoki 2 o‘rin), har biri 23 kg / 32 kg gacha (tashish me’yori yo‘nalishga bog‘liq) va 158 sm gacha (uzunlik + kenglik + balandlik yig‘indisi).Qo‘l yuki (salonga):8 kg gacha va 115 sm gacha bo‘lgan bitta qo‘l yuki. Bunda 115 sm uch o‘lcham yig‘indisini (uzunligi + eni + balandligi) anglatadi (55 × 35 × 25 sm). Aeroportda maxsus o‘lchov ramkasi yordamida tekshiriladi — barcha qo‘l yuki kalibratorga (o‘lchov qurilmasiga) kuch ishlatmasdan, bosimsiz, deformatsiyasiz yoki tiqib joylashtirmasdan erkin sig‘ishi kerak.Muhim!26.10.2026 dan BASE tariflarida quyidagilarga ruxsat beriladi:- 1 dona shaxsiy buyum — 3 kg gacha;- maksimal o‘lchami — 30×40×20 sm.Yo‘lovchi quyidagi buyumlarni havo kemasi salonida qo‘shimcha haq to‘lamasdan va tortmasdan olib o‘tish huquqiga ega, agar ular yo‘lovchi yonida bo‘lsa va asosiy qo‘l yukiga joylashtirilmagan bo‘lsa:Soyabon yoki hassa (uchi o‘tkir metall bilan jihozlangan hassalardan tashqari);Adyol, yo‘l uchun yopinchiq, palto yoki yomg‘irpo‘sh;Parvoz davomida o‘qish uchun mo‘ljallangan bosma nashrlar oqilona miqdorda;G‘ilofdagi portativ shaxsiy kompyuter (noutbuk), planshet yoki fotoapparat.Go‘daklar (2 yoshgacha) bilan birga sayohat qilayotgan yo‘lovchilar havo kemasi salonida bolaga tashish davomida (parvoz va transfer vaqtini ham o‘z ichiga olgan holda) iste’mol qilish uchun zarur bo‘lgan bolalar ovqatini (jumladan ona suti, quruq va suyuq aralashmalar, pyurelar, sharbatlar va suv) bepul olib o‘tish huquqiga ega. Mazkur oziq-ovqat mahsulotlariga qo‘l yukidagi suyuqliklarni tashishga oid cheklovlar tatbiq etilmaydi.Hajmi 100 ml dan ortiq bo‘lgan idishlarda bolalar ovqatini shaffof yopiladigan paketlarga joylashtirmasdan tashishga ruxsat etiladi.Yo‘lovchiga hujjatlar va qimmatbaho buyumlarni joylashtirish uchun mo‘ljallangan bir dona erkaklar yoki ayollar sumkasini bepul olib o‘tishga ruxsat beriladi, bunda qo‘l yuki va bunday sumkaning umumiy og‘irligi 8 kg dan va uch o‘lcham yig‘indisi bo‘yicha 115 sm dan oshmasligi kerak.Og‘irligi 8 kg dan ortiq bo‘lgan qo‘l yuki qo‘shimcha to‘lov evaziga tashishga qabul qilinishi mumkin, agar uning og‘irligi 10 kg dan va o‘lchamlari uch o‘lcham yig‘indisi bo‘yicha 115 sm dan oshmasa.Og‘irligi 10 kg dan ortiq bo‘lgan qo‘l yuki faqat ro‘yxatdan o‘tkaziladigan bagaj sifatida qabul qilinadi va rasmiylashtiriladi hamda tegishli reys uchun amal qiluvchi tarifga muvofiq haq to‘lanadi.O‘zbekiston Respublikasi aviatsiya xavfsizligi talablariga muvofiq, litiy batareyalarini o‘z ichiga olgan shaxsiy kompyuterlar va boshqa gadjetlar faqat yo‘lovchi salonida tashilishi kerak. Mazkur qurilmalarni ro‘yxatdan o‘tkaziladigan bagajga topshirish taqiqlanadi.Yuqorida ko‘rsatilgan buyumlar (qo‘l yukidan tashqari) bagaj birkalari bilan markalanmaydi va butun parvoz davomida yo‘lovchining shaxsiy nazorati va javobgarligi ostida bo‘ladi.Agar tashish bir nechta Tashuvchi tomonidan amalga oshirilsa, ularning har biri o‘z tashish qoidalari va shartlarini, tariflarni qo‘llash qoidalarini, shuningdek ro‘yxatdan o‘tkaziladigan bagaj va qo‘l yukiga oid talablarni qo‘llash huquqiga ega. Boshqa Tashuvchining reyslariga chipta rasmiylashtiruvchi Tashuvchi faqat ushbu Tashuvchining agenti sifatida harakat qiladi.Pul mablag‘lari, qimmatbaho buyumlar va hujjatlar yo‘lovchi tomonidan o‘zi bilan olib yurilishi va bagajga topshirilmasligi kerak.Yo‘lovchi ro‘yxatdan o‘tish vaqtida o‘ziga tegishli barcha bagaj, qo‘l yuki va shaxsiy buyumlarni taqdim etishi shart.Agar ro‘yxatdan o‘tkaziladigan bagaj yo‘lovchi tomonidan to‘langan tarif uchun belgilangan bepul bagaj me’yoridan oshsa va/yoki qo‘shimcha haq evaziga tashiladigan maxsus toifadagi bagaj tashilayotgan bo‘lsa, yo‘lovchi bunday bagaj uchun Tashuvchi tomonidan belgilangan va e’lon qilingan stavkalar bo‘yicha haq to‘lashi shart.Agar yo‘lovchi salonida tashilayotgan bagaj vazn yoki o‘lcham me’yorlaridan oshsa yoki salon bagajiga nisbatan Tashuvchi tomonidan belgilangan qoidalarga boshqa jihatdan mos kelmasa, yo‘lovchi bunday bagajni Tashuvchining qoidalarida nazarda tutilgan tartib va shartlarga muvofiq ro‘yxatdan o‘tkaziladigan bagaj sifatida topshirishi shart.Agar yo‘lovchi ro‘yxatdan o‘tkaziladigan bagaj va qo‘l yuki uchun Tashuvchi tomonidan belgilangan vazn va o‘lcham me’yorlaridan oshib ketgan bagajni tashish uchun haq to‘lashdan bosh tortsa, Tashuvchi bunday yo‘lovchi bilan havo transportida tashish shartnomasini bekor qilish huquqiga ega.Yo‘lovchi o‘ziga tegishli qo‘l yukini havo kemasining bagaj-yuk bo‘limida tashish to‘g‘risida murojaat qilishi mumkin. Agar bunday qo‘l yuki belgilangan qo‘l yuki me’yorlariga mos kelsa, u qo‘shimcha to‘lovlarsiz ro‘yxatdan o‘tkaziladigan bagaj sifatida tashishga qabul qilinishi mumkin.Tashuvchi tomonidan belgilangan vazn va/yoki o‘lcham me’yorlaridan oshadigan qo‘l yuki qo‘shimcha to‘lovlar evaziga ro‘yxatdan o‘tkaziladigan bagaj sifatida tashishga qabul qilinadi.Duty Free bo‘yichaDuty Free do‘konlaridan xarid qilingan, og‘irligi 5 kg dan oshmaydigan va uch o‘lcham yig‘indisi bo‘yicha 92 sm dan oshmaydigan paketga qadoqlangan tovarlar.Ikki yoki undan ortiq sumka, quti yoki boshqa bagaj buyumlarini bir-biriga bog‘lab yoki o‘rab, bitta bagaj o‘rni (1PC) sifatida topshirish mumkin emas. Har bir bagaj alohida o‘rin sifatida qabul qilinadi. Ushbu talabga rioya etilmagan taqdirda qo‘shimcha to‘lov undiriladi.

27 Iyul, 2026Muhim

Centrum Air Sochi parvozlarining bir yilligini nishonlaydi

2026-yil 24-iyul kuni Centrum Air ajoyib sana — Sochi xalqaro aeroportiga muntazam parvozlar yo‘lga qo‘yilganiga roppa-rosa bir yil to‘lganini nishonladi. Shu davr mobaynida ikki tomon hamkorligi mustahkam strategik sheriklikka aylandi. Natijalar buning yaqqol isboti: 200 dan ortiq amalga oshirilgan reys va 30 mingdan ziyod tashilgan yo‘lovchi.Sochi aeroportidagi faoliyatining ilk kunidan boshlab Centrum Air Rossiyaning mashhur kurort shahrini O‘zbekiston poytaxti Toshkent bilan bog‘ladi. Mazkur reyslar ikki davlat o‘rtasida qulay va ishonchli havo qatnovini ta’minlab, xizmat safarlari, sayohatlar hamda yaqinlar bilan uchrashuvlar uchun barqaror yo‘nalishga aylandi. Toshkent va Sochi o‘rtasidagi to‘g‘ridan to‘g‘ri aviaqatnov O‘zbekiston sayyohlariga Krasnodar o‘lkasining mashhur kurortlarini ziyorat qilish, rossiyalik mehmonlarga esa O‘zbekistonning boy madaniyati va tarixini yaqindan kashf etish imkonini yaratdi.12 oylik hamkorlik yakunlari:Toshkent va Sochi o‘rtasida 200 dan ortiq reys  muvaffaqiyatli amalga oshirildi. Bu aviakompaniyaning yuqori operatsion ishonchliligi va qat’iy intizomini tasdiqlaydi.30 mingdan ortiq yo‘lovchi Centrum Air xizmatlarini tanlab, o‘z vaqti, qulayligi va xavfsizliklarini bizga ishonib topshirdi.Ikki davlat o‘rtasida turizm va biznes aloqalarini mustahkamlaydigan barqaror hamda qulay havo qatnovi yo‘lga qo‘yildi.Centrum Air Sochi xalqaro aeroporti jamoasiga professional yondashuvi, ochiq hamkorligi va doimo yuqori darajadagi o‘zaro hamjihatligi uchun samimiy minnatdorlik bildiradi. Aeroportning yer usti xizmatlari jamoasi bilan uyg‘un va samarali hamkorlik tufayli reyslarning uzluksiz bajarilishi, xavfsizlik standartlariga rioya etilishi hamda yo‘lovchilarga yuqori sifatli xizmat ko‘rsatish ta’minlandi.Sochi aeroporti bilan hamkorlik kelgusida yanada keng imkoniyatlar ochishiga va oldimizga qo‘yilgan yanada ulkan maqsadlarga erishishda mustahkam poydevor bo‘lishiga ishonamiz.

24 Iyul, 2026Yo'nalish

Centrum Air Toshkent–Aqto‘be parvozlarini yo‘lga qo‘yadi

Centrum Air Toshkent (TAS) va Aqto‘be (AKX) o‘rtasida to‘g‘ridan to‘g‘ri aviaqatnovlar yo‘lga qo‘yilganini e’lon qiladi. Yangi yo‘nalish 2026-yil 2-avgustdan ishga tushadi va haftasiga ikki marta amalga oshiriladi. Reyslar kuzgi parvozlar jadvali doirasida bajarilib, O‘zbekiston poytaxti bilan G‘arbiy Qozog‘istonning yirik iqtisodiy markazlaridan biri o‘rtasida ishonchli va qulay aviaqatnovni ta’minlaydi.Mazkur yo‘nalishning ochilishi Centrum Air yo‘lovchi tashuvlari rivojida muhim strategik bosqich bo‘lib, yo‘lovchilarga mintaqaning jadal rivojlanayotgan iqtisodiy markaziga to‘g‘ridan to‘g‘ri yetib olish imkonini yaratadi. Toshkent–Aqtobe yo‘nalishi Centrum Air’ning Markaziy Osiyodagi tobora kengayib borayotgan yo‘nalishlar tarmog‘ini mustahkamlab, O‘zbekiston va Qozog‘iston o‘rtasida biznes safarlari, turizm hamda madaniy almashinuv rivojiga xizmat qiladi.Yangi yo‘nalish ishbilarmon sayohatchilar va sayyohlar uchun mo‘ljallangan qulay jadval asosida amalga oshiriladi: Yakshanba:C6213: Toshkent 21:40 – Aqto‘be 00:00Dushanba:C6214: Aqto‘be 01:00 – Toshkent 03:10Chorshanba:C6213: Toshkent 21:20 – Aqto‘be 23:40Payshanba:C6214: Aqto‘be 00:50 – Toshkent 03:00 Yo‘lovchilar yangi yo‘nalish chiptalarini qulay tariflar bo‘yicha band qilishlari mumkin:Toshkent – Aqto‘be: 1 259 733 UZS (104 USD) danAqto‘be – Toshkent: 1 130 728 UZS (93 USD) danToshkent – Aqto‘be – Toshkent: 2 178 828 UZS (179 USD) dan Barcha reyslar yo‘lovchilar uchun qulayligi, tejamkorligi va ishonchliligi bilan ajralib turadigan, ushbu mintaqaviy yo‘nalish uchun mukammal tanlov bo‘lgan zamonaviy va qulay Airbus A320 samolyotlarida amalga oshiriladi. Yo‘lovchilar reyslarni Centrum Air rasmiy sayti yoki mobil ilovasi (App store va Google Play'da mavjud) orqali band qilishlari mumkin.

19 Iyul, 2026Yo'nalish

Centrum Air Toshkent–Karachi yo‘nalishini yo‘lga qo‘yadi

Centrum Air aviakompaniyasi Toshkent (TAS) va Karachi (KHI) o‘rtasida yangi to‘g‘ridan to‘g‘ri aviaqatnovlar yo‘lga qo‘yilganini e’lon qiladi. Yangi yo‘nalish 2026-yil 3-sentabrdan ishga tushadi va haftasiga ikki marta — payshanba hamda shanba kunlari amalga oshiriladi.  Mazkur yo‘nalishning ochilishi Centrum Air aviakompaniyasining yo‘lovchi tashish faoliyatida muhim strategik qadam bo‘lib, Pokistonning eng yirik port shahri va iqtisodiy markaziga to‘g‘ridan to‘g‘ri chiqish  imkoniyatini taqdim etadi. Toshkent–Karachi yo‘nalishi Centrum Air’ning Markaziy va Janubiy Osiyodagi tobora kengayib borayotgan yo‘nalishlar tarmog‘ini mustahkamlab, ikki davlat o‘rtasida biznes safarlari, turizm va madaniy almashinuv rivojiga xizmat qiladi. Yangi yo‘nalish ishbilarmon sayohatchilar va sayyohlar uchun mo‘ljallangan qulay jadval asosida harakat qiladi: Payshanba:C6565-reys: Toshkent 00:50 – Karachi 04:20C6566-reys: Karachi 05:20 – Toshkent 08:20 Shanba:C6565-reys: Toshkent 23:20 – Karachi 02:35 (+1)C6566-reys: Karachi 03:35 – Toshkent 06:45 Yo‘lovchilar yangi yo‘nalish chiptalarini qulay tariflar bo‘yicha band qilishlari mumkin:·       Toshkent – Karachi: 2 mln so‘mdan (173 USD)·       Karachi – Toshkent: 2,9 mln so‘mdan (243 USD) Barcha reyslar yo‘lovchilar uchun qulayligi, tejamkorligi va ishonchliligi bilan ajralib turadigan, ushbu mintaqaviy yo‘nalish uchun mukammal tanlov bo‘lgan zamonaviy va qulay Airbus A320 samolyotlarida amalga oshiriladi. Yo‘lovchilar reyslarni Centrum Air rasmiy sayti yoki ilovasi (App store, Google Play) orqali band qilishlari mumkin.

19 Iyul, 2026Yo'nalish

Centrum Air Asterium bilan hamkorlikda kriptoekvayringni yoʻlga qoʻymoqda

Centrum Air aviakompaniyasi oʻz rasmiy saytida Asterium platformasining innovatsion vositasi – kriptoekvayringni joriy etib, Markaziy Osiyoda bunday texnologik yangilikni taqdim qilgan ilk aviatashuvchiga aylandi va mintaqadagi texnologik yetakchilik maqomini mustahkamladi.Ushbu yechim yoʻlovchilar uchun moliyaviy imkoniyatlarning mutlaqo yangi darajasini ochadi hamda odatiy toʻlov vositalari qatorini ilgʻor kriptotexnologiyalar hisobiga kengaytiradi.Asterium kriptoekvayring tizimining integratsiyalashuvi anʼanaviy moliya va kriptoaktivlar oʻrtasidagi toʻsiqlarni butunlay yoʻq qilishga xizmat qildi. Natijada aviachiptalarni sotib olish jarayoni maksimal darajada soddalashtirildi va uzluksiz koʻrinishga keltirildi.Aviakompaniyaning rasmiy saytida oddiy reysga band qilinganda (bron qilinganda), yoʻlovchi hisob-kitob birligi sifatida milliy valyuta (UZS)ni tanlaydi. Tranzaksiya Asterium kriptohamyoni orqali tasdiqlanganda, tizim zudlik bilan (orqa fonda) foydalanuvchining kriptoaktivlarini sotadi. Shundan soʻng mablagʻlar Centrum Air bank hisobraqamiga toʻgʻridan toʻgʻri va hech qanday kechikishlarsiz milliy valyutada kelib tushadi.Sahifadagi integratsiyadan tashqari, ushbu hamkorlik Asterium kriptokartalari egalari uchun ham yangi imkoniyatlarni taqdim etadi. Mazkur fintex-yechimlar ham milliy Humo toʻlov tizimi, ham Visa va Mastercard kabi yirik xalqaro gigantlar bilan sinergiyada (oʻzaro uygʻunlikda) ishlaydi.Chiptalarni centrum-air.com rasmiy saytida band qilish mumkin.

13 Iyul, 2026Kompaniya haqida

Centrum Air afsonaviy aksiyasini qaytarmoqda: 100 ta aviachipta 12 000 so‘mdan

Centrum Air o‘zining eng shov-shuvli promoaksiyalaridan biri — “chipta ovi” qaytayotganini e'lon qiladi. Bu gal yo‘lovchilarni istalgan yo‘nalish bo‘yicha, jumladan, ommabop xalqaro marshrutlar uchun 12 000 so‘mdan 100 ta aviachipta kutmoqda.2026-yil 5-iyul kuni aviakompaniyaning mobil ilovasida 100 ta 12 000 so‘mlik aviachipta “yashiriladi” — yo‘nalish bo‘yicha cheklovlarsiz. Yo‘nalishlar orasida — Maldiv orollari, Phuket, Moskva, Dubay va boshqalar ham bor. Chiptalar birinchi bo‘lib topgan va band qilgan yo‘lovchilarga nasib etadi.Aksiyada qatnashish juda oson: foydalanuvchi mobil ilovani (App store yoki Google Play) o‘rnatishi, istalgan yo‘nalish va sanani tanlashi hamda 12 000 so‘m narxni topsa, xaridni darhol yakunlashi kerak. Qidiruv urinishlari soni cheklanmagan.Aksiya 2026-yil 5-iyul kuni Toshkent vaqti bilan soat 00:00 dan 23:59 gacha davom etadi. 12 000 so‘mlik aviachiptalar 2026-yil 30-noyabrgacha bo‘lgan reyslar uchun amal qiladi.6-iyul kuni Centrum Air “omadli chiptalar” qaysi yo‘nalishlarga yashirilganini e’lon qiladi.Diqqat! Aksiya qoidalari bilan bu yerda tanishing.

3 Iyul, 2026Aksiyalar

Centrum Air biznes-klass uchun 35% chegirma taklif etadi

Centrum Air eng ommabop xalqaro yo‘nalishlardan biri bo‘yicha biznes-klass o‘rinlariga maxsus taklifni taqdim etadi. 2026-yil 27-iyundan 31-iyulgacha yo‘lovchilar biznes-klass aviachiptalarini 35% chegirma bilan — 6 200 000 so‘mdan boshlab sotib olishlari mumkin.Aksiya har ikki yo‘nalish: Toshkent – Istanbul va Istanbul – Toshkent reyslariga tatbiq etiladi. Maxsus tarif iyul oyi davomida amal qiladi, 3-iyul kungi reys bundan mustasno.Istanbul – Toshkent yo‘nalishida parvoz qilayotgan yo‘lovchilar uchun alohida qulaylik ham taqdim etilgan. Biznes tarifiga har biri 32 kg gacha bo‘lgan 3 ta bagaj o‘rni kiradi. Bu uzoq safardan qaytayotgan yoki ko‘p yuk bilan sayohat qilayotgan yo‘lovchilar uchun katta afzallikdir.Mazkur yo‘nalishdagi Centrum Air biznes-klassi parvozning ilk daqiqalaridanoq yuqori darajadagi qulaylik va xizmatni taqdim etadi. Shu bois ushbu taklif xizmat sifatini qadrlaydigan ishbilarmon yo‘lovchilari hamda sayyohlar uchun ayniqsa jozibador hisoblanadi.Maxsus tarif bo‘yicha chiptalarni mobil ilova hamda Centrum Air rasmiy saytidan xarid qilish mumkin.Taklif 2026-yil 27-iyundan 31-iyulgacha bo‘lgan reyslarga amal qiladi, 3-iyuldagi reys bundan mustasno. Maxsus tarifdagi joylar soni cheklangan.

24 Iyun, 2026Aksiyalar

Centrum Air Domodedovoga parvozlarni yo‘lga qo‘yganiga bir yil to‘ldi

2026-yil 21-iyun kuni Centrum Air aviakompaniyasi quvonchli voqea — M.V. Lomonosov nomidagi Domodedovo xalqaro aeroportiga muntazam parvozlar boshlanganining roppa-rosa bir yilligini nishonladi. Ushbu davr mobaynida ikki tomon hamkorligining mustahkam strategik ittifoqqa aylangani erishilgan natijalarda yaqqol namoyon bo‘lmoqda: 600 dan ortiq amalga oshirilgan reyslar va 100 000 dan ziyod mamnun yo‘lovchilar.Centrum Air aviakompaniyasi Domodedovo aeroportidagi faoliyatining birinchi kunidanoq Moskvani O‘zbekiston Respublikasining asosiy hududlari bilan bog‘ladi. Parvozlar mamlakatimizning Samarqand, Urganch, Farg‘ona, Nukus va boshqa shaharlaridan amalga oshirilib, ikki davlat o‘rtasida qulay hamda shinam havo qatnovini ta’minladi. Aviakompaniyaning ushbu yo‘nalishlardagi muntazam ishtiroki yo‘lovchilarga xizmat safarlari, sayohatlar va yaqinlari bilan uchrashuvlar uchun ishonchli hamda barqaror marshrutga ega bo‘lish imkonini berdi.12 oylik qo‘shma faoliyat davomida Centrum Air va Domodedovo aeroporti salmoqli natijalarga erishdi:·       Har ikki yo‘nalishda 600 dan ortiq reyslar amalga oshirildi — bu yuqori operatsion ishonchlilik va intizomning yaqqol namunasidir.·       100 000 dan ziyod yo‘lovchilar o‘z vaqti, qulayligi va xavfsizligini bizga ishongan holda aviakompaniyamiz xizmatlaridan foydalandilar.·       O‘zbekistonning bir nechta shaharlari Rossiyaning eng yirik aviatsiya xablaridan biriga qulay transport imkoniyatiga ega bo‘ldi.Centrum Air aviakompaniyasi M.V. Lomonosov nomidagi Domodedovo xalqaro aeroportining butun jamoasiga professionallik, ochiqlik va doimiy yuqori darajadagi hamkorlik uchun samimiy va chuqur minnatdorchilik bildiradi. Aeroport yerusti xizmatlarining ahil va samarali mehnati tufayli parvozlarning uzluksiz bajarilishini, xavfsizlik standartlariga rioya etilishini hamda yo‘lovchilarga yuqori sifatli xizmat ko‘rsatilishini ta’minlashga muvaffaq bo‘ldik.Centrum Air erishilgan natijalarni saqlab qolish bilan birga, yo‘nalishlar tarmog‘ini kengaytirish, parvozlar chastotasini oshirish va har bir yo‘lovchi uchun xizmat ko‘rsatish sifatini yaxshilashni maqsad qilgan. Domodedovo aeroporti bilan qo‘shma faoliyatimiz yangi ufqlarni ochib berishiga hamda kelgusi yillarda yanada ulkan natijalarga erishish uchun asos bo‘lishiga ishonamiz.

20 Iyun, 2026Yo'nalish

Centrum Air Krasnodarga ilk reysni amalga oshirdi

17-iyun kuni Centrum Air Toshkent — Krasnodar yo‘nalishi bo‘yicha ilk reysni amalga oshirdi. Yangi yo‘nalish aviakompaniya marshrutlar tarmog‘ini rivojlantirishdagi muhim qadam bo‘lib, O‘zbekiston va Rossiyaning janubidagi eng yirik shaharlardan biri o‘rtasida to‘g‘ridan to‘g‘ri aviaqatnovlarni yo‘lga qo‘ydi.Krasnodar aeroportida ilk reys yangi yo‘nalish boshlanishining ramzi sifatida aviatsiyaning eng yaxshi an’analari — tantanali suv arkasi, shuningdek mehmonlar uchun esdalik sovg‘alari va shirinliklar bilan kutib olindi.Reyslar chorshanba kunlari qulay Airbus A320 samolyotlarida amalga oshiriladi.Krasnodar jadal rivojlanayotgan shahar bo‘lib, Forbes tomonidan uch marta Rossiyada biznes yuritish uchun eng yaxshi shahar deb e’tirof etilgan. U ishbilarmonlar va sayyohlar uchun birdek qiziqarli: bu yerda mashhur Galitskiy bog‘i joylashgan, Qora dengiz va Azov dengizi sohillarigacha esa yuz kilometrdan sal ko‘proq masofa bor.Aviachiptalar narxi bir tomonga 1 600 000 so‘mdan boshlanadi.Chiptalarni quyidagi manzillardan xarid qilish mumkin: – rasmiy centrum-air.com sayti– Centrum Air mobil ilovasi (App Store va Google Play)

16 Iyun, 2026Yo'nalish

Centrum Air Qoʻstanayga ilk reysni amalga oshirdi

13-iyun kuni Centrum Air aviakompaniyasi Toshkent – Qoʻstanay yoʻnalishi boʻyicha ilk reysni amalga oshirdi. Yangi yoʻnalish ochilishi munosabati bilan aeroportda tantanali tadbir tashkil etildi: samolyot an’anaviy suv arkasi bilan kutib olindi, birinchi reys yoʻlovchilariga esa aviakompaniya tomonidan esdalik sovgʻalari va shirinliklar taqdim etildi.Qoʻstanay Centrum Air’ning Qozogʻistondagi beshinchi yoʻnalishiga aylandi va bu aviakompaniyaning ikki mamlakat oʻrtasidagi transport hamda turizm aloqalarini mustahkamlashga qaratilgan strategiyasini yaqqol aks ettiradi.Reyslar har hafta shanba kunlari qulay Airbus A320 samolyotlarida amalga oshiriladi.Chiptalar narxi ikki tomonga 1 883 819 soʻmdan boshlanadi.Chiptalar centrum-air.com saytida

12 Iyun, 2026Yo'nalish

Centrum Air Apple Pay va Google Pay xizmatlarini yo‘lga qo‘ydi

Centrum Air yo‘lovchilari endilikda aviachiptalar uchun toʻlovlarni Apple Pay va Google Pay orqali amalga oshirishlari mumkin — har ikki xizmat aviakompaniya rasmiy saytida allaqachon ishga tushirildi.Yangi to‘lov usuli karta ma’lumotlarini qo‘lda kiritishni talab qilmaydi: tranzaksiya qurilmaning ichki xavfsizlik mexanizmlari yordamida bitta tugmacha orqali tasdiqlanadi. Bu esa bron qilish jarayonini, ayniqsa mobil telefon orqali, yanada tez va qulay qiladi.Apple Pay va Google Pay xizmatlarining joriy etilishi Centrum Air’ning yo‘lovchilar uchun raqamli xizmatlarni kengaytirish yo‘lidagi navbatdagi qadami bo‘ldi.Bundan tashqari, aviakompaniya saytida endi korporativ kartalar orqali to‘lov qilish imkoniyati ham mavjud. Bu xizmat safari bilan parvoz qiluvchilar va xodimlariga aviachipta xarid qiluvchi kompaniyalar uchun qulay yechim hisoblanadi.Chiptalarni centrum-air.com rasmiy sayti orqali bron qilish mumkin.

11 Iyun, 2026Muhim

Centrum Air Toshkentdan Krasnodarga parvozlarni yo‘lga qo‘yadi

Centrum Air aviakompaniyasi yangi yo‘nalishni ochmoqda: 17-iyundan boshlab Toshkentdan Krasnodarga muntazam reyslar yo‘lga qo‘yiladi. Parvozlar chorshanba kunlari Airbus A320 samolyotlarida amalga oshiriladi.Krasnodar Rossiyaning Janubiy federal okrugidagi eng yirik iqtisodiy va madaniy markazlardan biri bo‘lib, Forbes jurnali tomonidan uch marta mamlakatda biznes yuritish uchun eng yaxshi shahar deb topilgan. Shahar ishbilarmonlar uchun ham, sayyohlar uchun ham jozibador: bu yerda Rossiyaning eng chiroyli bog‘laridan biri bo‘lgan Galitskiy bog‘i joylashgan, Qora va Azov dengizlari sohillarigacha esa atigi yuz kilometrdan sal ko‘proq masofa bor.Yangi yo‘nalish bo‘yicha chiptalar bir tomonga 1 600 000 so‘mdan boshlab sotuvga chiqarilgan.Ularni centrum-air.com rasmiy sayti, shuningdek, Centrum Air mobil ilovasi (App Store  va Google Play) orqali xarid qilish mumkin.

11 Iyun, 2026Yo'nalish

Centrum Air oʻz mobil ilovasini ishga tushirdi

Centrum Air aviakompaniyasi aviachiptalar va qo‘shimcha xizmatlarni tez hamda qulay xarid qilish imkonini beruvchi mobil ilovasini ishga tushirdi.Ilova soddalik va qulaylikka alohida e’tibor qaratilgan holda ishlab chiqilgan: yo‘lovchilar smartfon orqali bir necha daqiqa ichida reysni tanlashi va chiptani rasmiylashtirishi, istalgan vaqt va istalgan joyda aviakompaniya xizmatlaridan  foydalanishi mumkin.Ilova ishga tushirilgani munosabati bilan Centrum Air yo‘lovchilarga aviakompaniyaning muntazam reyslari uchun ekonom klassning barcha tariflariga 5% chegirma taqdim etadi. Aksiya 2026-yil 8-iyundan 31-iyulgacha bo‘lgan davrda mobil ilova orqali rasmiylashtirilgan chiptalar uchun amal qiladi va 2026-yil 31-iyulgacha bajariladigan reyslarga tatbiq etiladi.Mobil ilovaning ishga tushirilishi Centrum Air’ning raqamli savdo kanallarini rivojlantirish va yo‘lovchilar uchun xizmatlar qulayligini oshirish strategiyasining bir qismidir. Ilova bronlarni qulay boshqarish hamda chipta sotib olish jarayonini imkon qadar sodda va shaffof qilish imkonini beradi.Ilova allaqachon App store va Google Playʼda yuklab olishga tayyor — foydali taklifdan hoziroq foydalanish mumkin.

9 Iyun, 2026Kompaniya haqida

Centrum Air Xalqaro bolalarni himoya qilish kunini xodimlarning oilalari bilan birga nishonladi

Xalqaro bolalarni himoya qilish kuni munosabati bilan Centrum Air aviakompaniya xodimlarining farzandlari uchun o‘z eshiklarini ochdi. Ushbu kun jajji mehmonlar va ularning ota-onalari uchun haqiqiy bayramga aylandi.Bolajonlar uchun maxsus dastur tayyorlandi, aviakompaniya bosh direktori va asoschisi Abdulaziz Abdurahmonov esa bolalarni shaxsan tabriklab, ularga sovg‘alar topshirdi. Tadbir samimiy va do‘stona muhitda o‘tib, bolajonlarga olam-olam quvonch va unutilmas taassurotlar ulashdi.Ularning ko‘pchiligi uchun bu erda bo‘lish, ota-onalarining ish joyini ko‘rish hamda ularning har kungi faoliyati bilan yaqindan tanishish uchun birinchi imkoniyat bo‘ldi.Xodimlar va ularning oilalarini qo‘llab-quvvatlash Centrum Air korporativ madaniyatining muhim qismidir. Kompaniya nafaqat professional yutuqlar, balki oilaviy qadriyatlar ham yuksak qadrlanadigan qulay va mehmondo‘st muhit yaratishga intiladi.Centrum Air barcha bolajonlarni va ota-onalarni Xalqaro bolalarni himoya qilish kuni bilan tabriklab, ularga baxtli bolalik, yorqin taassurotlar va eng ezgu tilaklar ro‘yobini tilab qoladi.

1 Iyun, 2026Muhim

Centrum Air Priority — barcha aeroportlarda ustuvor ro‘yxatdan o‘tish xizmatini yo‘lga qo‘ymoqda

Centrum Air aviakompaniya yo‘nalishlar tarmog‘idagi barcha aeroportlarda yo‘lovchilar uchun amal qiladigan yangi Priority xizmati ishga tushirilganini e’lon qiladi. Ushbu xizmat parvozoldi jarayonlariga ketadigan vaqtni sezilarli darajada qisqartirish va sayohat boshlanishini maksimal darajada qulay qilish imkonini beradi.Xizmatdan foydalangan yo‘lovchilar uchta asosiy afzallikka ega bo‘ladilar:Alohida ro‘yxatdan o‘tish peshtaxtasi — umumiy navbatlarsizBagajlarni ustuvor topshirish — tez va kutishlarsizHavo kemasiga birinchilardan bo‘lib chiqish — qo‘l yukini bo‘sh javonlarga qulay joylashtirish imkoniyatiXizmatni faollashtirish uchun ro‘yxatdan o‘tish hududidagi Priority peshtaxtasiga yaqinlashish, xizmat haqini to‘lash va o‘tish taloniga Priority stikerini olish lozim. Samolyotga chiqishda ushbu stikerni aviakompaniya xodimiga ko‘rsatish kifoya.Toshkent aeroportida to‘lov ro‘yxatdan o‘tish hududida joylashgan Centrum Air aviakassasida amalga oshiriladi.Priority xizmati bir yo‘lovchi uchun parvozga kamida 24 soat qolganda to‘langanda 144 000 so‘m ($12) etib belgilangan. Kechroq to‘lov qilinganda xizmat qiymati 20% ga oshadi.Priority xizmati ayniqsa yo‘lovchi oqimi ko‘p bo‘lgan Dubay, Moskva, Frankfurt, Toshkent, Tbilisi kabi aeroportlarda juda qulaydir. Bundan tashqari, xizmat Centrum Air yo‘nalishlar tarmog‘idagi barcha boshqa aeroportlarda ham mavjud. Muayyan aeroportda xizmat ko‘rsatish tafsilotlarini aviakompaniyaning ro‘yxatdan o‘tish peshtaxtasidagi vakilidan aniqlashtirish mumkin.

23 May, 2026Aksiyalar

Centrum Air Xitoy turizm bozori uchun taqdimot oʻtkazdi

2026-yil 12-may kuni Guanchjouda Centrum Air aviakompaniyasining Xitoy turizm sohasi vakillari bilan professional uchrashuvi – Airline Product Briefing Seminar boʻlib oʻtdi. Tadbir besh yulduzli Jianguo mehmonxonasida aviakompaniyaning mintaqadagi hamkori – Oriental Sky Aviation koʻmagida tashkil etildi.Seminarda turizm biznesining 120 dan ortiq vakillari: turoperatorlar, chipta sotish boʻyicha onlayn platformalar hamda korporativ trevel-menejerlar (TMC) jam boʻldi. Ishtirokchilarning aksariyati Guanchjoudan boʻlishiga qaramay, tadbirga boʻlgan qiziqish Guandun provinsiyasi doirasidan chiqib ketdi – uchrashuvga Pekin, Chansha va Xitoyning boshqa shaharlaridan ham agentlar tashrif buyurdi.Seminar davomida ishtirokchilarga aviakompaniya mahsuloti haqida batafsil maʼlumot berildi: • Centrum Air yoʻnalishlar tarmogʻi va floti • Biznes-klass va bortdagi xizmat koʻrsatish standartlari • Toshkent va Oʻzbekistonning turistik salohiyati • Amaldagi parvozlar jadvali va tariflar tuzilmasi • Band qilish tizimi va guruhli buyurtmalar siyosati • OSA API orqali integratsiyaSeminar Xitoy bozorida Oʻzbekistonga boʻlgan turistik qiziqish barqaror ekanini yana bir bor tasdiqladi. Pekindan Chanshagacha boʻlgan hududlardan ishtirokchilarning kelishi Centrum Air aviakompaniyasining Xitoydagi salohiyatli yoʻlovchilari auditoriyasi faqat bitta mintaqa bilan cheklanib qolmasligidan dalolat beradi.

20 May, 2026Boshqa