Trabzon sayohatchilarni o‘ziga xos jozibasi - tog‘ manzaralari, Qora dengiz shamollari va qadimiy tarix aralashmasi bilan kutib oladi. Shahar tashqarisida sizni qoyalardagi monastirlar, "Turk Shveytsariyasi" manzaralari va choy plantatsiyalari kutmoqda, Trabzonning o‘zida esa shinam ko‘chalar, gavjum bozorlar va sayr qilish hamda kashfiyotlar uchun imkoniyatlar dengizi mavjud. Turkiyaning ushbu noyob burchagini o‘rganishga tayyormisiz?
Nimalar qilish mumkin?
TOP-10 mashgʻulot
1. Uzunkoʻl koʻlida “Turk Shveysariyasi”ni koʻrish.
2. Altındere Vadisi Milli Parkı milliy bogʻi hududida qoyadagi Panagiya Sumela pravoslav monastirini ziyorat qilish.
3. Rizedagi togʻli choy plantatsiyalariga ekskursiya qilish.
4. Turkiyaning eng yashil joylaridan biri boʻlgan Chamlihemshin shaharchasida tabiatdan bahra olish.
5. Termal buloqlarda hordiq chiqarish va Alp togʻlariga qiyoslangan Ayder platosidagi panoramali manzaralardan bahramand boʻlish.
6. Ayder, Huser yoki Pokut platosiga koʻllar va sharsharalar manzaralari uchun sayrga chiqish.
7. Hidirnebi platosini koʻrish: togʻ havosi, yam-yashil oʻsimliklar va ajoyib manzaralar.
8. “Yashirin jannat” va “sirli dunyo” deb ataladigan Chal gʻorida boʻlish.
9. Ignabargli oʻrmoni dengizga qadar yastangan Surmene Çamburnu milliy bogʻida sayr qilish.
10. Sera koʻlida suv velosipedida sayr qilish va baliq restoranida oʻtirish.
Trabzonda qilinadigan yana bir nechta muhim ishlar 1. Akveduk, sharshara va amfiteatrlari boʻlgan Zagnos Valley bogʻi boʻylab sayr qilish. 2. Botanika bogʻining panoramali maydonchasidan Qora dengizga boqish. 3. Boztepe tepaligiga chiqib, choyxonalarda oʻtirish va shahar hamda dengizning eng chiroyli manzaralarini tomosha qilish. 4. Birinchi prezident Mustafa Otaturk villasi yaqinidagi qaragʻayzorda quyosh botishini kutib olish. 5. Mahalliy Ayasofyada qadimgi freskalarni koʻrish. 6. Forum, Trabzon Cevahir savdo markazlarida yoki bozorlarda shopping qilish. 7. Istanbuldagi Istiqlol koʻchasiga oʻxshagan Uzun Sokak boʻylab yurish. 8. Meydan Park – shahar markazidagi maydondagi qahvaxonada oʻtirish. 9. Trabzon Akvaryumʼdagi tunnel-akvariumda suv osti olamiga shoʻngʻish. 10. Shahar qal’asiga chiqish. Nimalarni tatib koʻrish kerak - Dengiz mahsulotlari va albatta Qora dengizcha hamsi baligʻi (anchous); - Turk samovaridan choy; - Trabzoncha pide; - Pishloq va makkajoʻxori unidan muhlama; - Hamsiköy sutlachi (shirguruch). Nimalarni olib kelish mumkin - Turk shirinliklari; - Mahalliy choy; - Mahalliy oʻrmon yongʻogʻi; - Teridan buyumlar; - Ustalardan mis buyumlar.
