Sankt-Peterburg – granit qirg‘oqlari shoirlarning qadamlarini eslab qoladigan shahar, ko‘priklarning qurilishi esa o‘z tarixining uvertyurasi kabi yangraydi. Bu yerda siz saroylar derazalari ostida qahva ichishingiz, kanallardagi bulutlarni tomosha qilishingiz va noto‘g‘ri yo‘nalishga burilish orqali o‘tmishga qaytishingiz mumkin. Sankt-Peterburgga xush kelibsiz – har bir kun buyuk romanning bir bobi kabi yoziladigan joy.
Nimalar qilish mumkin?
1. Shahar ramzlari – Admiralteystvo, Dvorsovaya maydoni, Mis otliq haykali, Petropavlsk qal’asi, Rostrali ustunlari va «Avrora» kreyserini suratga olish. 2. «Ermitaj» yoki Davlat Rus muzeyida vaqt hisobini yo‘qotish. 3. Shtiglits akademiyasi va «Zinger» kompaniyasi uyining ichki bezaklarini tomosha qilish. 4. Yusupovskiy, Qishki va Marmar saroylari dabdabasidan hayratlanish. 5. Kanallar boʻylab kemachalarda sayr qilish. 6. Jahon me’morchiligi va saroy-park san’ati yodgorligi – «Petergof» yoki Sarskoye Selo muzey-qo‘riqxonasida butun kunni o‘tkazish. 7. Mixaylovskiy, Yozgi yoki Tavr bog‘laridan birida hordiq chiqarish. 8. Najotvor Iso cherkovi («Qon ustidagi Najotvor»), Qozon yoki Isaakiy soborlarini ziyorat qilish. 9. Yangi Gollandiya orolidagi qahvaxona va san’at maydonchalari muhitiga shoʻngʻish. 10. Mariinskiy, Mixaylovskiy yoki Katta Qo‘g‘irchoq teatrlaridan birida spektakl tomosha qilish. 11. Daryo bo‘yida uzoq sayr qilish, ko‘prik va sher haykallarini sanash, «Yetti ko‘prik»ni topish. 12. Tomlar, hovlilar yoki darvozaxonalar bo‘ylab ekskursiyaga chiqish. 13. «Laxta markazi» kuzatuv maydonchasidan shaharni yuqoridan tomosha qilish. 14. Rubinshteyn ko‘chasi, Vasileostrov bozori yoki «Sevkabel port»dagi muassasalarga gastronomik sayohat uyushtirish. 15. «Grand Maket Rossiya» shou-muzeyida butun Rossiyani miniaturada ko‘rish. 16. Tarixiy Kupets Yeliseyevlar do‘konidan esdalik xarid qilish. 17. Nevskiy prospekti bo‘ylab sayrga chiqib, binolarni tomosha qilish. 18. Rossiyadagi eng yaxshi koʻngilochar bog‘lardan biri hisoblangan «Divo orol”ida attraksionlarda uchish. 19. «Zenit» futbol klubi yoki SKA xokkey jamoasi o‘yiniga kirish. 20. Oq tunlar va «Alvon yelkanlar» bayramida «Rossiya» brigini kutib olish. Nimalarni tatib ko‘rish kerak - Pishkalar; - Shaverma; - Leningradcha rassolnik sho‘rvasi; - Koryushka baliqlari; - Nevskiy ilonbaligʻi. Nimalar olib kelish mumkin - Krupskiy nomidagi fabrikaning «Peterburg tunlari» yoki «Leningradskiye» shirinliklari; - «Leningradskiy» torti; - Imperator chinni zavodi idish-tovoqlari; - «Ermitaj» yoki Davlat Rus muzeyi do‘konlaridan san’at suvenirlari; - «Zinger» kompaniyasi uyi binosidagi Peterburg Kitob Uyidan sovg‘alar.
