Kompaniya
Qo'llab-quvvatlash
. UZS
. UZS
2026-yil 21-iyun kuni Centrum Air aviakompaniyasi quvonchli voqea — M.V. Lomonosov nomidagi Domodedovo xalqaro aeroportiga muntazam parvozlar boshlanganining roppa-rosa bir yilligini nishonladi. Ushbu davr mobaynida ikki tomon hamkorligining mustahkam strategik ittifoqqa aylangani erishilgan natijalarda yaqqol namoyon bo‘lmoqda: 600 dan ortiq amalga oshirilgan reyslar va 100 000 dan ziyod mamnun yo‘lovchilar.
Centrum Air aviakompaniyasi Domodedovo aeroportidagi faoliyatining birinchi kunidanoq Moskvani O‘zbekiston Respublikasining asosiy hududlari bilan bog‘ladi. Parvozlar mamlakatimizning Samarqand, Urganch, Farg‘ona, Nukus va boshqa shaharlaridan amalga oshirilib, ikki davlat o‘rtasida qulay hamda shinam havo qatnovini ta’minladi. Aviakompaniyaning ushbu yo‘nalishlardagi muntazam ishtiroki yo‘lovchilarga xizmat safarlari, sayohatlar va yaqinlari bilan uchrashuvlar uchun ishonchli hamda barqaror marshrutga ega bo‘lish imkonini berdi.
12 oylik qo‘shma faoliyat davomida Centrum Air va Domodedovo aeroporti salmoqli natijalarga erishdi:
· Har ikki yo‘nalishda 600 dan ortiq reyslar amalga oshirildi — bu yuqori operatsion ishonchlilik va intizomning yaqqol namunasidir.
· 100 000 dan ziyod yo‘lovchilar o‘z vaqti, qulayligi va xavfsizligini bizga ishongan holda aviakompaniyamiz xizmatlaridan foydalandilar.
· O‘zbekistonning bir nechta shaharlari Rossiyaning eng yirik aviatsiya xablaridan biriga qulay transport imkoniyatiga ega bo‘ldi.
Centrum Air aviakompaniyasi M.V. Lomonosov nomidagi Domodedovo xalqaro aeroportining butun jamoasiga professionallik, ochiqlik va doimiy yuqori darajadagi hamkorlik uchun samimiy va chuqur minnatdorchilik bildiradi. Aeroport yerusti xizmatlarining ahil va samarali mehnati tufayli parvozlarning uzluksiz bajarilishini, xavfsizlik standartlariga rioya etilishini hamda yo‘lovchilarga yuqori sifatli xizmat ko‘rsatilishini ta’minlashga muvaffaq bo‘ldik.
Centrum Air erishilgan natijalarni saqlab qolish bilan birga, yo‘nalishlar tarmog‘ini kengaytirish, parvozlar chastotasini oshirish va har bir yo‘lovchi uchun xizmat ko‘rsatish sifatini yaxshilashni maqsad qilgan. Domodedovo aeroporti bilan qo‘shma faoliyatimiz yangi ufqlarni ochib berishiga hamda kelgusi yillarda yanada ulkan natijalarga erishish uchun asos bo‘lishiga ishonamiz.
O‘zbekiston Respublikasi Prezidenti Shavkat Mirziyoyev Centrum Air va My Freighter aviakompaniyalarini o‘z ichiga oluvchi Centrum Holding transport-logistika kompaniyasi ta’sischisi Abdulaziz Abdurahmanovni davlat mukofoti — «Do‘stlik» ordeni bilan taqdirladi.Ushbu yuksak mukofot Abdulaziz Abdurahmanovning O‘zbekiston Respublikasida aviatsiya, logistika, xalqaro transport aloqalari va iqtisodiyotni rivojlantirishga qo‘shgan hissasining e’tirofi bo‘ldi. A. Abdurahmanov rahbarligida Centrum Holding bir necha yil ichida Markaziy Osiyodagi eng yirik xususiy transport-logistika guruhlaridan biriga aylandi. Bugungi kunda holding tarkibiga Centrum Air yo‘lovchi aviakompaniyasi, My Freighter yuk aviakompaniyasi, shuningdek, logistika, turizm va multimodal tashuvlar sohasida faoliyat yurituvchi kompaniyalar kiradi.So‘nggi yillarda Centrum Air yo‘nalishlar tarmog‘ini faol kengaytirib, yangi xalqaro yo‘nalishlarni ochgan holda O‘zbekistondagi eng yirik xususiy aviakompaniyaga aylandi. My Freighter ham xalqaro yuk tashish yo‘nalishlari va zamonaviy logistika yechimlarini rivojlantirib, Markaziy Osiyodagi eng yirik yuk aviakompaniyasi sifatidagi mavqeini mustahkamladi.«Men uchun bu mukofot nafaqat katta sharaf, balki oldinga intilishda davom etish uchun kuchli rag‘bat hamdir. Centrum Holding jamoasi bilan birgalikda O‘zbekiston aviatsiyasi, logistikasi va transport infratuzilmasini rivojlantirish, mamlakatimizning xalqaro integratsiyasini mustahkamlash hamda o‘sish uchun yangi imkoniyatlar yaratish yo‘lida ishlashda davom etamiz», — deya ta’kidladi Abdulaziz Abdurahmanov.
19 Avgust, 2026
Centrum Air aviakompaniyasi O‘zbekistonning iqtidorli yoshlarini qo‘llab-quvvatlaydi. Kompaniya nufuzli Harvard universitetining biologiya fakultetiga o‘qishga kirgan farg‘onalik Dilafruz Sobirovani butun o‘qish davri davomida yiliga ikki marta aviachiptalar bilan ta’minlaydi.Dilafruz — Farg‘ona Prezident maktabi bitiruvchisi. U dunyoning eng nufuzli universitetlaridan biriga o‘qishga kirish uchun IELTS va SAT xalqaro imtihonlarini muvaffaqiyatli topshirdi, A Level dasturini tamomladi, motivatsion esse yozdi va tanlov suhbatidan o‘tdi.Iqtidorli yoshlarni qo‘llab-quvvatlash Centrum Air uchun shunchaki korporativ mas’uliyat emas, balki mamlakatimiz kelajagiga kiritilgan sarmoyadir. Biz ta’lim va iste’dodlarni rivojlantirish jamiyat taraqqiyotining muhim omillaridan biri ekaniga ishonamiz.Dilafruzning muvaffaqiyati qat’iyat, mehnat va bilim dunyoning eng yaxshi universitetlari eshiklarini ochishi mumkinligining yorqin namunasidir. Bunday talabalarni qo‘llab-quvvatlashni sharaf deb bilamiz, chunki ular — kelajak yetakchilari, olim va innovatorlari.Centrum Air dunyoning yetakchi universitetlarida tahsil olayotgan iqtidorli talabalarni qo‘llab-quvvatlashda davom etadi. Har bir iste’dod o‘z salohiyatini ro‘yobga chiqarish imkoniyatiga loyiq.
17 Avgust, 2026
Centrum Air aviakompaniyasi o‘z yo‘nalishlar tarmog‘ini kengaytirmoqda va uchta yangi yo‘nalish — Yekaterinburg, Perm va Ufaga muntazam yo‘lovchi reyslari yo‘lga qo‘yilishini e’lon qiladi. Ushbu yo‘nalishlar O‘zbekistondan yo‘lovchilarga Ural va Volgabo‘yining sanoat hamda madaniy markazlariga tez va qulay yetib borish imkonini beradi.Toshkent–Yekaterinburg yo‘nalishidagi reyslar 2026-yil 4-sentyabrdan boshlanadi va haftasiga bir marta — juma kunlari amalga oshiriladi. Bir tomonga aviachiptalar narxi 1,8 mln so‘mdan boshlanadi.Yekaterinburg — Rossiyaning aholisi soni bo‘yicha to‘rtinchi yirik shahri, Uralning sanoat, biznes va madaniyat markazi. Shahar boy madaniy merosi bilan sayyohlarni o‘ziga jalb qiladi: bu yerda mashhur Ermitaj muzeyi filiali, qiziqarli muzeylar, jahon darajasidagi teatrlar mavjud, shuningdek, muntazam ravishda yirik festival va ko‘rgazmalar o‘tkaziladi.Ufaga reyslar 2026-yil 3-sentyabrdan boshlanadi va haftasiga ikki marta — payshanba va yakshanba kunlari amalga oshiriladi. Toshkent–Ufa yo‘nalishidagi aviachiptalar 2,3 mln so‘mdan sotuvga chiqarilgan.Ufa — Boshqirdiston Respublikasi poytaxti va Volgabo‘yining yirik madaniy markazlaridan biri. Go‘zal Belaya daryosi bo‘yida joylashgan shahar boy tarixi va ko‘p millatli muhiti bilan sayohatchilarni o‘ziga jalb qiladi. Shahar an’anaviy boshqird madaniyatini asrab-avaylash markazi bo‘lib, butun Rossiyada e’tirof etilgan o‘ziga xos boshqird milliy taomlari bilan ham mashhur.Centrum Air, shuningdek, Toshkent–Perm yo‘nalishi ochilishini e’lon qiladi. Reyslar 7-sentyabrdan boshlanib, haftasiga bir marta — dushanba kunlari amalga oshiriladi. Bir tomonga aviachiptalar narxi 2,7 mln so‘mdan boshlanadi.Perm — Kama daryosining go‘zal sohillarida joylashgan Uralning yirik madaniy markazi. Shahar jo‘shqin madaniy hayoti va ijodiy muhiti bilan sayohatchilarni o‘ziga jalb qiladi. Shaharning tarixi, boy madaniy merosi va me’moriy yodgorliklari tarix va madaniyat ixlosmandlarida katta qiziqish uyg‘otadi.Barcha yangi yo‘nalishlardagi reyslar yuqori darajadagi qulaylik va xavfsizlik standartlarini ta’minlaydigan zamonaviy va ishonchli Airbus A320 samolyotlarida amalga oshiriladi. Muntazam parvozlar jadvali yo‘lovchilarga xizmat safari yoki sayohat maqsadlaridan kelib chiqib safarlarini qulay rejalashtirish imkonini beradi.Yekaterinburg, Perm va Ufaga reyslarning yo‘lga qo‘yilishi Centrum Air’ning O‘zbekiston va Rossiya o‘rtasidagi aviaqatnovlarni yanada rivojlantirish strategiyasining bir qismidir. Yangi yo‘nalishlar ishbilarmon yo‘lovchilar, sayyohlar va boshqa safar qiluvchilar uchun qo‘shimcha imkoniyatlar yaratib, savdo-sotiq, madaniy almashinuv hamda hududlararo aloqalarning rivojlanishiga xizmat qiladi.Yo‘lovchilar barcha yangi yo‘nalishlar uchun aviachiptalarni Centrum Air rasmiy sayti yoki mobil ilovasi (App store va Google Play’da mavjud) orqali xarid qilishlari mumkin.
14 Avgust, 2026
+998 55 518 88 88Bog'lanish
© 2026. ООО "My Freighter",
Centrum Air™ — Barcha huquqlar himoyalangan
