Centrum Air – oʻzbek aviatashuvlar bozorida eng zamonaviy samolyotlar parkiga ega boʻlgan Oʻzbekistondagi eng yirik xususiy aviakompaniya.

Aviakompaniyamiz 2023-yil 18-yanvarda respublika aholisi uchun havo qatnovi sifatini yaxshilashga qaratilgan hukumat tashabbusi doirasida tashkil etilgan. Yosh boʻlishimizga qaramay, ishonchli va xavfsiz tashuvchi sifatida yoʻlovchilar va hamkorlarimiz ishonchini qozonib ulgurdik.

Parvozlarimiz geografiyasi esa oʻsib bormoqda: zamonaviy Airbus A-320 samolyotlarida Dubay, Istanbul, Tbilisi, Batumi, Sharm-al-Shayx va Issiqkoʻlga muntazam reyslarni yoʻlga qoʻydik, shuningdek, charter tashuvlarini amalga oshirmoqdamiz. Aytgancha, tez orada parkimiz Gamburgdagi zavoddan uchib keladigan ikkita yangi Airbus A321 Neo samolyoti bilan toʻldiriladi.

Har kim tez-tez sayohat qila olishi uchun yoʻlovchilarimizga xizmat va yoʻnalishlarning keng tanlovini, sifatli servis va hamyonbop narxlarni taqdim etmoqdamiz.

Centrum Air bilan Siz – sayohatlar markazidasiz!